საქართველოს საფეხბურთო ნაკრები ფიფას ახალ რეიტინგში წინა თვესთან შედარებით 2 პოზიციით დაწინაურდა."ჯვაროსნები" 286 ქულით ამჟამად 120-ე ადგილზე იმყოფებიან.
აქვე შემოგთავაზებთ გასული წლის მცირე სტატისტიკას. 2015 წლის იანვარში საქართველოს ნაკრები ფიფას რეიტინგში 126-ე ადგილზე იმყოფებოდა.
2015 წელს ჩვენი ნაკრების საუკეთესო პოზიცია ფიფას რეიტინგში 110-ე იყო, ხოლო ყველაზე ცუდი მაჩვენებელი 154-ე ადგილი დაფიქსირდა.
პირველ ათეულში ცვლილებები არ მომხდარა. პირველ ადგილზე კვლავ ბელგიის ნაკრებია.
