ბაქოს "ინტერის" მთავარმა მწვრთნელმა ზაურ სვანაძემ უარყო აზერბაიჯანში გავრცელებული ინფორმაცია იმის თაობაზე, თითქოს საქართველოს ნაკრების ჯერაც მოქმედი მწვრთნელი კახა ცხადაძე ბაქოს "ინტერში" ბრუნდება."მის დაბრუნებაზე არაფერი ვიცი, არაფერი გამიგია", - თქვა სვანაძემ.
შეგახსენებთ, რომ კახა ცხადაძე საქართველოს ეროვნული ნაკრების მთავარი მწვრთნელის პოსტზე 2014 წლის მიწურულს დაინიშნა. მანამდე ის სწორედ ამ აზერბაიჯანულ გუნდს წვრთნიდა. ცხადაძესთან კონტრაქტის ვადამდე გაწყვეტის გადაწყვეტილება სფფ-მ წლის დასაწყისში მიიღო.
