საქართველოს ეროვნული ნაკრები სულ მალე დაიწყებს სამზადისს ყაზახეთთან გასამართი ამხანაგური მატჩისთვის. 29 მარტის სპარინგი ეროვნული გუნდის ახალი მწვრთნელის, ვლადიმირ ვაისის ინიციატივით, "დინამო არენაზე" გაიმართება.როგორც გავიგეთ, ჯერ კიდევ ღიად რჩება საკითხი იმის თაობაზე, თუ სად მოემზადება ჩვენი გუნდი ყაზახეთთან მატჩისთვის.
სანდო წყარომ გვაცნობა, რომ შესაძლოა, შეკრება "ბასაზე" არ გაიმართოს. თურმე, სლოვაკი სპეციალისტი მთლად კმაყოფილი ვერ დარჩენილა ჩვენი სანაკრებო ბაზის ტექნიკური აღჭურვილობით.
რა ეშველება ამ საქმეს ესოდენ მოკლე დროში, ძნელი სათქმელია. ვნახოთ, მალე ყველაფერს ზუსტად შევიტყობთ...
(იბეჭდება მცირე ცვლილებით)
ყოველდღიური სპორტული
