90min.com-მა ევროპაში 29 მარტს გამართული ამხანაგური მატჩების 10 საუკეთესო გოლი დაასახელა. ათეულში საქართველო-ყაზახეთის თამაშში თორნიკე ოქრიაშვილის მიერ გატანილი გოლიც მოხვდა.
თორნიკეს გოლი ათეულში მე-10 ადგილზეა:
"ჩვენს ათეულს ვიწყებთ მოსაწყენი თამაშიდან. ყოველ შემთხვევაში, ასე ჩანს საქართველოსა და ყაზახეთის თამაში "ქაღალდზე". ყაზახთა გოლიდან ორიოდ წუთში ქართველებმა თორნიკე ოქრიაშვილის გოლით გაათანაბრეს. კარგი პასისა და ჩინებული გატარების შემდეგ ოქრიაშვილმა საჯარიმოს გარედან მეტოქის კარის დაბალი კუთხე დალაშქრა".
აღსანიშნავია, რომ საიტი შეცდომით ოქრიაშვილის ნაცვლად გელაშვილს წერს, თუმცა გოლის ავტორის ვინაობა თითქმის ყველა უცხოურ სააგენტოს შეეშალა.
პირველ ადგილზე გავიდა ფრანგი დიმიტრი პაიეს საჯარიმო დარტყმა რუსეთის ნაკრების კარში. მეორე ადგილზეა იონას ჰექტორის (გერმანია) გოლი იტალიელთა კარში, მესამეზე - მირალემ პიანიჩის (ბოსნია) სუპერგოლი შვეიცარიელთა კარში.
გაგაცნობთ ათეულის სხვა გოლებსაც: 4. ჰაკან ჩალჰანოღლუ (ავსტრია-თურქეთი); 5. კინგლსი კომანი (საფრანგეთი-რუსეთი); 6. ალექსანდარ კოლაროვი (ესტონეთი-სერბეთი); 7. იური ჟირკოვი (საფრანგეთი-რუსეთი); 8. ტონი კროოსი (გერმანია-იტალია); 9. ალექსანდარ ტონევი (მაკედონია-ბულგარეთი).
16:44 31-03-2016
თორნიკე ოქრიაშვილის გოლი 90min.com-ის ტოპ-ათეულში მოხვდა [VIDEO]
AutoSharing Option
მკითხველის კომენტარები / 1 /
მოწონებების მიხედვით
თარიღის მიხედვით
კაზახების გოლი პირველზე?!
0
0
ყველა კომენტარი
გააკეთეთ კომენტარი
გააკეთეთ გამოხმაურება
X
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
ასევე დაგაინტერესებთ
უძრავი ქონება
107.00 k
150.00 k
სიახლეები
პოპულარული
