საქართველოს ეროვნული ნაკრების მთავარმა მწვრთნელმა ვლადიმირ ვაისმა მოახლოებული ამხანაგური მატჩებისთვის ეროვნულ ნაკრებში პოლონური "პოგონის" ფორვარდი ლადო დვალიშვილი იხმო.აღნიშნული ინფორმაცია თავად ფეხბურთელმაც დაგვიდასტურა.
"კი, ნამდვილად მივიღე ეროვნულ ნაკრებში მოწვევა. ვაისი 1 მაისს, "პიასტთან" მატჩს დაესწრო, შეხვედრის შემდეგ კი პირადადაც მესაუბრა.
რა უნდა ვთქვა? რა თქმა უნდა, გამიხარდა ნაკრებში გამოძახება. ახალი მწვრთნელია, ახალი მოთხოვნები ექნება და ამ პერიოდის მანძილზე გავეცნობი ამ ყველაფერს. საამისოდ კი ამხანაგური მატჩები კარგია როგორც ფეხბურთელებისთვის, ისევე - მწვრთნელებისთვისაც. ეს თამაშები სამომავლოდ ბევრ რამეს დაგვანახებს", - გვითხრა დვალიშვილმა.
