ესპანეთის ეროვნული ნაკრების მეკარე დავიდ დე ხეამ საქართველოს ნაკრებთან განცდილი მარცხის (0:1) შემდეგ ჟურნალისტებთან კომენტარი მეტოქეზე გააკეთა.შეგახსენებთ, რომ დღეს საქართველოს ნაკრებმა ამხანაგურ შეხვედრაში ესპანელები თორნიკე ოქრიაშვილის ერთადერთი გოლის მეშვეობით დაამარცხეს.
"მოედანზე ყოფნისას მხოლოდ საკუთარი გუნდის წარმატებაზე ვფიქრობ და ვცდილობ, დავეხმარო. გოლი საკუთარი შეცდომის ხარჯზე მივიღეთ, მაგრამ საქართველოსაც გაუმართლა. მათ მაღალი კლასის ბევრი ფეხბურთელი ჰყავთ", - განაცხადა მეკარემ.
