ავსტრიის ნაკრებისა და "სტოკ სიტის" შემტევმა მარკო არნაუტოვიჩმა საქართველოში გამომგზავრებამდე ავსტრიელ ჟურნალისტთა კითხვებს უპასუხა.შეგახსენებთ, რომ მსოფლიოს ჩემპიონატის საკვალიფიკაციო ეტაპის პირველ მატჩს ავსტრიის ნაკრები 5 სექტემბერს თბილისში, საქართველოს ნაკრების წინააღმდეგ გამართავს. არნაუტოვიჩს პირველ მეტოქეზეც ჰკითხეს.
"ევროპის ჩემპიონატის წარუმატებელი გამოსვლის შემდეგ გუნდი ვერთიანდებით და ვიწყებთ ბრძოლას ახალი წარმატებისთვის. ამ ყველაფერს კი საქართველოსთან მატჩით დავიწყებთ.
რეიტინგში 118-ე ადგილი? ჩვენთვის არაფერს ნიშნავს, რადგან საქართველოს ნაკრებმა მცირე ხნის წინ ესპანეთის ნაკრებს სტუმრად მოუგო", - ციტირებს არნაუტოვიჩს diepresse.com.
!["უოტფორდის" გულშემატკივრებმა ჩაკვეტაძეს საქართველოს ნაკრების ევროპის ჩემპიონატზე გასვლა მიულოცეს [VIDEO]](/pictures/image7/66ff647a5fc728e56ac248b53cafb697.png "\"უოტფორდის\" გულშემატკივრებმა ჩაკვეტაძეს საქართველოს ნაკრების ევროპის ჩემპიონატზე გასვლა მიულოცეს [VIDEO]")