ქართულ ფუტსალთან დაკავშირებით რამდენიმე საინტერესო ამბავი შევიტყვეთ და მოკლედ მოგითხრობთ: - უეფას თასის ელიტრაუნდში "იბერია სტარის" გამარჯვებასა და ევროპის ოთხთა ფინალში მოხვედრაზე კომენტარი გააკეთა პორტუგალიის ფუტსალის ეროვნული ნაკრების მთავარმა მწვრთნელმა ჟორჟე ბრაზიმ:
"ისეთი პატარა ქვეყნისთვის, როგორიც საქართველოა, ოთხთა ფინალში გასვლა უდიდესი მიღწევაა. წარმატებას ვუსურვებ "იბერიას". ვფიქრობ, კარგი იქნება, ფინალური ტურნირის მასპინძელ ქალაქად უეფა თბილისს თუ დაასახელებს".
24 და 25 ოქტომბერს საქართველოს ფუტსალის ნაკრები პორტუგალიას ესტუმრება და ამ ქვეყნის ეროვნულ ნაკრებთან ორ ამხანაგურ მატჩს გამართავს.
გუნდის მთავარმა მწვრთნელმა ავთანდილ ასათიანმა ფეხბურთელები
- ფუტსალში ევროპის ჩემპიონის, ესპანეთის ნაკრების ხელმძღვანელობა თანახმაა, რომ მომავალ წელს საქართველოს გაეჯიბროს. წინადადება საქართველოს ფუტსალის ასოციაციამ (სფა) ესპანეთის ფეხბურთის ფედერაციის ფუტსალის დეპარტამენტისგან მიიღო.
- სფა-ს სურს, რომ საქართველომ უეფას სანაკრებო ფუტსალის ელიტრაუნდს უმასპინძლოს. ამ საკითხზე მუშაობა დაწყებულია და ორგანიზაციის გამგეობის წევრებს გეგმას ნოემბერში გააცნობენ.
- უეფას მედიაოფიცერმა მამუკა კვარაცხელიამ და სფა-ს გენერალურმა მდივანმა ბექა კვიციანმა თბილისში გამართული უეფას თასის ელიტრაუნდის მატჩების დროს ოფიციალურ ვახშამზე მიიწვიეს "ბენფიკას" ტექნიკური დირექტორი ჟოაო პედრო ფერეირა და მისი მოადგილე, წარსულში ამავე კლუბის და პორტუგალიის ეროვნული ნაკრების მოთამაშე ნელიტო.
საუბარი შეეხო მომავალ წელს "ბენფიკას" საქართველოში შესაძლო ვიზიტს და საქართველოს ფუტსალის ეროვნული ნაკრების წინააღმდეგ სპარინგებს.
პორტუგალიელებმა წინასწარი თანხმობა უკვე თქვეს, მაგრამ საქართველოს ფუტსალის ასოციაციას საბოლოო პასუხს 26-30 ოქტომბრამდე აცნობებენ.
ყოველდღიური სპორტული გაზეთი "ლელო"
