იბერიული გაბრწყინების სიხარული ჯერაც არ განელებულა: თბილისის "იბერია სტარი" უეფას თასის (ფუტსალის ჩემპიონთა ლიგა) ოთხთა ფინალში გავიდა. 47 წლის ბრაზილიელი სპეციალისტის, სერჟიო ბენატის გაწვრთნილმა საქართველოს ჩემპიონმა უეფას თასის საკვალიფიკაციო ეტაპზე მეორე ადგილი დაიკავა და ელიტრაუნდში თამაშის უფლება მოიპოვა. ელიტრაუნდის D ჯგუფიდან კი გუნდმა უეფას თასის ოთხთა ფინალში გააღწია.
არადა, საქართველოს ჩემპიონი "სიკვდილის ჯგუფში" მოხვდა: იტალიის ნაკრების საბაზო გუნდი "ლუპარენსე" 6:1 გაანადგურა, უნგრულ "დიორი ეტოსთან" ფრეს დასჯერდა (2:2), გადამწყვეტ შეხვედრაში კი ევროპის ფუტსალის გრანდი, ლისაბონის "ბენფიკა" 7:4 დაამარცხა.
დამოუკიდებელი საქართველოს ისტორიაში
შემთხვევითი არ არის, რომ ამჟამად "იბერია სტარმა" ევროპული ფეხბურთის რეიტინგში უჩვეულო ნახტომი გააკეთა და ევროპაში მე-6 ადგილზე დაწინაურდა.
უეფას საკლუბო რეიტინგი ასე გამოიყურება:
ა წ.რ. გუნდი ქვეყანა ქულა
1 1 დინამო მოსკოვი (რუსეთი) 1057
2 2 ინტერვიუ მადრიდი (ესპანეთი) 620
3 4 ბენფიკა (პორტუგალია) 555
4 9 კაირატი (ყაზახეთი) 550
5 7 არაზი ნახჩევანი (აზერბაიჯანი) 516
6 12 იბერია სტარი (საქართველო) 497
7 10 ხრუდიმი (ჩეხეთი) 460
8 14 ბარსელონა (ესპანეთი) 459
9 3 ვიზ-სინარა ეკატერინბურგი (რუსეთი) 448
10 13 მურსია (ესპანეთი) 410
* წ.რ. - წინა რეიტინგი
ქვეყნების საკლუბო რეიტინგი კი ასე გამოიყურება:
ქვეყანა ქულა
1 ესპანეთი 1955
2 რუსეთი 1505
3 პორტუგალია 902
4 იტალია 814
5 ყაზახეთი 550
6 ბელგია 517
7 აზერბაიჯანი 516
8 საქართველო 497
9 ჩეხეთი 460
10 უკრაინა 430
8 დეკემბერს ვენეციაში უეფას აღმასკომის სხდომა გაიმართება და უეფას ფუტსალის თასის ფინალური ოთხეულის მატჩების მასპინძელი ქალაქი გაირკვევა.
შეგახსენებთ, რომ ევროპის საკლუბო ჩემპიონობაში "იბერია სტარი" ელიტრაუნდის სხვა ჯგუფების გამარჯვებულებს შეეცილება: "ბარსელონას" (A ჯგუფი), ალმატის "კაირატსა" (B) და მოსკოვის "დინამოს" (C).
ევროპის საკლუბო ჩემპიონი 2013 წლის აპრილში გაირკვევა. ტურნირის მასპინძლობის სურვილი თბილისსაც აქვს.
ყოველდღიური სპორტული გაზეთი "ლელო"
ასევე იხილეთ:
ფუტსალის ჩემპიონატში "იბერია" და "თელასი" ლიდერობენ
უმასპინძლებს თბილისი ფუტსალში ოთხთა ფინალს?
"იბერია სტარი" ევროპის საუკეთესო კლუბების ოთხთა ფინალშია!
ფუტსალში უეფას თასის ელიტრაუნდი: "იბერია სტარმა" ბოლო ტურს ინტრიგა შემოუნახა
"იბერია სტარი" ნამდვილი ფავორიტია, "ბენფიკამ" წაიბორძიკა
