19 მარტს საქართველოს ფუტსალის ნაკრებმა აზერბაიჯანის ეროვნულ გუნდთან მეორე სპარინგ-მატჩი გამართა. შეგახსენებთ, პირველი შეხვედრა 18 მარტს ავთანდილ ასათიანისა და ბესიკ არველაძის შეგირდების გამარჯვებით, 2:1 დასრულდა.
ამჯერად, ჩვენდა სამწუხაროდ, მასპინძლებმა რევანში აიღეს და საკმაოდ დამაჯერებლად - ჟოზე ალეზიოს განკარგულებაში მყოფმა ნატურალიზებულმა ბრაზილიელებმა ქართველებს შანსი არ დაუტოვეს და 4:0 გაიმარჯვეს.
აღსანიშნავია, რომ ამ მატჩის ჩათვლით, ასათიანისა და არველაძის ფორმაციის ეროვნულმა ნაკრებმა 7 ამხანაგური შეხვედრიდან 3 მოიგო (მათ შორის, გრანდ პორტუგალიასთან და ტოპგუნდების ოცეულში შემავალ აზერბაიჯანთან გასვლებზე), 2 წააგო და 1 ფრედ დაასრულა.
დაბოლოს: ფუტსალის ასოციაციის გენერალური მდივნის, ბექა კვიციანის თქმით, 14 მარტს საქართველოს პრეზიდენტის ბრძანებულების საფუძველზე, ეროვნული ნაკრების წევრს, ზურაბ ლუკავას სავალდებულო სამხედრო სამსახური ერთი წლით გადაუვადდა.
ყოველდღიური სპორტული გაზეთი "ლელო"
ასევე იხილეთ:
საქართველოს ნაკრებმა აზერბაიჯანი დაამარცხა, რომელთანაც 11 წელია, არ მოუგია
