აირჩიე თებერვლის თვის საუკეთესო ქართველი ლეგიონერი

Sportall.ge მკითხველს სთავაზობს თებერვლის საუკეთესო ლეგიონერის 8 კანდიდატურას.

მაშ ასე, თქვენ წინაშეა 8 ფეხბურთელი, რომელთაც, ჩვენი აზრით, ლეგიონერებში ყველაზე მეტად გამოიჩინეს თავი თებერვალში და არჩევანი თქვენთვის მოგვინდია.

გიორგი მერებაშვილი (პლოცკი, პოლონეთი)
3 თამაში, 2 გოლი, 2 პასი

30 წლის ნახევარმცველი საუკეთესოდ ათამაშდა. თებერვალში სულ სამჯერ ითამაშა ჩვენებურმა და მას მოედანი ერთხელაც არ დაუტოვებია ისე, რომ თავი არ გამოეჩინოს - ჯერ საგოლე პასი მიითვალა "შლიონსკთან" მატჩში, შემდეგ გაუტანა "კორონას", ბოლოს კი "ზაგლებიეს" შესანიშნავი გოლი გაუტანა და საგოლე პასიც ჩაიწერა აქტივში.

გიორგი ქვილითაია

(რაპიდი, ავსტრია)
3 თამაში, 1 გოლი

ავსტრიის პირველობა განახლდა და გიორგი ქვილითაიამ მაშინვე გამოიჩინა თავი, ვენის დერბიში "აუსტრიას" გაუტანა.

გურამ კაშია (ვიტესი, ჰოლანდია)
4 თამაში

ქართველი კაპიტანი კვლავ სტაბილურად თამაშობს "ვიტესის" შემადგენლობაში, რომელიც დიდებულად გამოდის ჰოლანდიის თასზე, პლუს, გუნდი ჩემპიონატში შვიდეულში შევიდა, რომელიც ევროპალიგის საგზურისთვის ბრძოლის უფლებას იძლევა.

ჯაბა კანკავა (რეიმსი, საფრანგეთი)
4 თამაში

ჯაბამ სეზონის სტარტი გამოტოვა, თუმცა ახლა ის უკვე "რეიმსის" ერთ-ერთი უმნიშვნელოვანესი ფიგურაა. მართალია, ის ამ თვეში გააძევეს, თუმცა ეს შეცდომით მოხდა, რის გამოც ქართველს დისკვალიფიკაცია გაუუქმდა.

გიორგი მაკარიძე (მორეირენშე, პორტუგალია)
5 თამაში

ამ თვეში მისმა გუნდმა მოუკლო, თუმცა ქართველი გოლკიპერი ისევ სტაბილურად თამაშობს. მან ყოფილ გუნდ "ფეირენშესთან" მატჩში პენალტიც მოიგერია.

ნიკა კაჭარავა (ახნასი, კვიპროსი)
2 თამაში, 1 გოლი

მან თვე კარგად დაიწყო და "აპოლონთან" თამაშში გოლიც გაიტანა, ბოლო მატჩებში კი არ გამოჩენილა.

ვაკო ყაზაიშვილი (ლეგია, პოლონეთი)
5 თამაში

ვაკომ თებერვალში ევროთასებზე "აიაქსის" წინააღმდეგ ორჯერ ითამაშა. ჰოლანდიურ შეხვედრაში ის უფრო აქტიური იყო, თუმცა "აიაქსის" გოლკიპერს ვერ აჯობა.

ზურაბ ხიზანიშვილი (ინტერი, აზერბაიჯანი)
5 თამაში, 1 გოლი

ვეტერანი მცველი სტაბილურად თამაშობს აზერბაიჯანის ჩემპიონატში. ბოლო ტურში მან გამარჯვების გოლი გაიტანა ლიდერ "ყარაბაღის" კარში.

ხმის მიცემა შეგიძლიათ აქ - ვის მიიჩნევთ თებერვლის საუკეთესო ლეგიონერად?