საქართველოს ეროვნული ნაკრებისა და ვარშავის "ლეგიას" შემტევი ვაკო ყაზაიშვილი ზაფხულის სატრანსფერო ფანჯრის გახსნისთანავე არნემის "ვიტესში" დაბრუნდება.აღნიშნულ ინფორმაციას przegladsportowy.pl ავრცელებს. წყაროს ცნობით, "ლეგიამ" ყაზაიშვილის თაობაზე საბოლოო გადაწყვეტილება უკვე მიიღო. კლუბი არ აპირებს ვაკოს გამოსყიდვას 2 მილიონ ევროდ.
შეგახსენებთ, რომ ყაზაიშვილი "ლეგიაში" გასული წლის ზაფხულში ერთწლიანი იჯარის წესით გადავიდა. იჯარის დასრულების შემდეგ, სურვილის შემთხვევაში, "ლეგიას" ყაზაიშვილის გამოსყიდვის უფლება აქვს, თუმცა, როგორც პოლონური მედია წერს, ვაკომ "ლეგიას" ხელმძღვანელთა მოლოდინები ვერ გაამართლა.
![ყაზაიშვილის 2 საგოლე პასი - მისი გუნდი აზიის ჩემპიონთა ლიგის 1/4-ფინალში გავიდა [VIDEO]](/pictures/image7/ee330124588ac529496941a9f620742c.jpg "ყაზაიშვილის 2 საგოლე პასი - მისი გუნდი აზიის ჩემპიონთა ლიგის 1/4-ფინალში გავიდა [VIDEO]")
