19 წლის ქართველ ნახევარმცველ თორნიკე ოქრიაშვილს უკრაინულ "ილიჩივეცთან" საიჯარო ვადა დეკემბრის ბოლოს უმთავრდება. თორნიკე მარიუპოლში დონეცკის "შახტარიდან" არის განათხოვრებული. დონეცკელებმა (რომლებთანაც ოქრიაშვილს 5-წლიანი კონტრაქტი აკავშირებს) იგი "ილიჩივეცში" სათამაშო პრაქტიკის მიზნით გაანათხოვრეს, თუმცა ქართველმა ჯერ არ იცის, იჯარის ვადის ამოწურვის შემდეგ სად გააგრძელებს კარიერას. უკრაინაში ზამთრის შესვენებამდე ერთი ტურიღა დარჩა და, როგორც ოქრიაშვილმა გვითხრა, ან "შახტარში" დაბრუნდება, ან რომელიმე ევროპულ გუნდს მიაშურებს.
- ჯერ არაფერი გადაწყვეტილა, "ილიჩივეცს" კი უნდა ჩემი
- რომელ ქვეყანაზეა ლაპარაკი?
- ბელგია, გერმანია, ჰოლანდია. მალე შესვენება დაიწყება და აგენტთან ერთად გადავწყვეტ ყველაფერს.
- ჰოლანდია ახსენე და, "ვიტესი" ხომ არ გიწვევს?
- არა, "ვიტესი" გამორიცხულია.
შეგახსენებთ, რომ 19 ტურის შემდეგ "ილიჩივეცს" 20 ქულა აქვს და მე-11 ადგილზეა. ბოლო ტურში მარიუპოლელებმა საკუთარ არენაზე "დნიპროს" 3:2 სძლიეს. ეს შეხვედრა ოქრიაშვილმა სასტარტოში დაიწყო საყრდენი ნახევარმცველის პოზიციაზე და მე-60 წუთზე ტრავმის გამო გამოცვალეს.
ყოველდღიური სპორტული გაზეთი "ლელო"
