"ბოლო სეზონს თუ არ ჩავთვლით, უკანასკნელი წლების განმავლობაში "ქაისერისფორი" მოწინავე 5-6 გუნდს შორის იყო. ჩვენ ეს ტრადიცია უნდა გავარძელოთ. ზაფხულის პაუზისას გუნდში არაერთი ცვლილება მოხდა. რამდენიმე მოთამაშე წავიდა, ფეხბურთელები დავიმატეთ და
ჟურნალისტები ახალ მწვრთნელსა და მის პირველ სამუშაო დღეზე კლუბის სპორტულ დირექტორ სულეიმან ჰურმას აზრითაც დაინტერესდნენ. ჰურმამ აღნიშნა, რომ შოთა არველაძის დიდად ემედება და სჯერა, რომ ახალ სეზონში "ქაისერი" მოწინავე ხუთეულში დაიმკვიდრებს ადგილს.
არველაძემ პირველივე სამუშაო დღეს გუნდის კაპიტანი დანიშნა. ეს პატივი შემტევ ნახევარმცველ მეჰმეთ ერენს ერგო, რომელიც ბოლო 3 წელია "ქაისერისფორში" ასპარეზობს და 89 მატჩში 10 გოლი აქვს გატანილი.
თურქული ვებგვერდების მიხედვით, არველაძე ჯერაც არ კარგავს იმედს, რომ გლაზგოს "რეინჯერსიდან" შოტლანდიის ნაკრების თავდამსხმელ კრის ბოიდს გადაიბირებს. შეგახსენებთ, რომ ბოიდის აყვანა "ბირმინგემს", "ბლექბერნს", "მიდლსბროსა" და თურქულ - "ბურსასფორსა" და "ანკარაგიუჯუს" უნდათ. არველაძე მზად არის შოთლანდიის ნაკრების ფორვარდს კერძო თვითმფრინავი გაუგზავნოს, თუ ის ქაისერში კონტრაქტზე ხელმოსაწერად ჩავა.
"კრის ბოიდს ჯერ კიდევ არ გადაუწყვეტია, თუ სად გააგრძელებს კარიერას. ჩვენ მას ჩინებული ფინანსური პირობები შევთავაზეთ, რითაც უკმაყოფილო ნამდვილად არ არის. ბოიდის აგენტსაც ვესაუბრე, ის და მისი კლიენტი ჩვენ მიერ შეთავაზებული პირობებით კმაყოფილნი არიან. აგენტმა საუბარში თურქეთამდე გადამღლელი მგზავრობა ახსენა. თუ კრის ბოიდი ჩვენს გუნდში თამაშს გადაწყვეტს, მაშინ შეგვიძლია მას გადაჯდომებით გადამღლელი მგზავრობა თავიდან ავაცილოთ. თუ ბოიდი მზად არის ჩვენს კლუბთან კონტრაქტის გასაფორმებლად, ჩვენ მზად ვართ კერძო თვითმფრინავი გავუგზავნოთ ქაისერში ჩამოსაფრენად. ამას მხოლოდ იმ შემთხვევაში გავაკეთებთ თუ კრის ბოიდი ხელშეკრულებას გააფორმებს. თუ არა და თურქეთში მხოლოდ ვითარების გასაცნობათ თვითმფრინავის გაგზავნა ჩვენთვის ძვირი სიამოვნებაა", - აღნიშნა შოთა არველაძემ ევენინგტიმეს.ცო.უკ-სთან კომენტარში.
დავით ცაბაძე
