"ცსკა-სთან მატჩში ნერვები ვერ მოვთოკე, გავცხარდი და არასწორად მოვიქეცი. აღსანიშნავია ისიც, რომ ჩემსა და გონსალესს შორის კონფლიქტს მალე დავუსვით წერტილი და ერთმანეთს ხელი ჩამოვართვით. ემოციების ტყვეობაში ვიყავი, თუმცა კარგად ვიცი, ეს ჩემს საქციელს არ ამართლებს. იმედი მაქვს იმასაც გაითვალისწინებენ, რომ ადრე ჩხუბის გამო გაძევება არასდროს დამიმსახურებია. ერთ მატჩში ორი გაფრთხილება მხოლოდ სათამაშო სიტუაციაში, თამაშის წესების გამო მაქვს მიღებული.
ვიმედოვნებ, ჩვენი საკითხის განხილვისას ყველა ნიუანსს გაითვალისწინებენ და მე და გონსალესს სანქციას გაგვინახევრებენ.
დისკვალიფიკაციას ჩემს საწვრთნელ პროცესზე გავლენა არ მოუხდენია. ვარჯიში არ გამიცდენია და გუნდთან ერთად სრული დატვირთვით ვაგრძელებ მზადებას. ტომსკში გუნდს არ გავყოლილვარ, ის მატჩი ტელევიზიით ვნახე. დასანანია, ტომ "ტომთან" უპირატესობა შედეგში არ აისახა, მატჩი 1:1 დასრულდა და მხოლოდ ქულას დავჯერდით", - აღნიშნა მალხაზ ასათიანმა.
ჩვენებურის "ლოკომოტივი" 27 ქულით მერვე ადგილზეა და ქულითა და საფეხურით ჩამორჩება გროზნოს "ტერეკს", რომელსაც კვირას ეთამაშება. თუ ასათიანს შეიწყალებენ და სასჯელს გაუნახევრებენ, მაშინ მას მომდევნო კვირას, 3 ოქტომბერს "სატურნთან" გასვლით შეხვედრაში უკვე შეეძლება თამაში.
