7 ოქტომბერს, რუსეთის ჩემპიონატის მე-11 ტურში, ალეკო ამისულაშვილისა და ნუკრი რევიშვილის "კრასნოდარი" სანკტ-პეტერბურგის "ზენიტს" დაუპირისპირდა და 0:2 დამარცხდა. მატჩის შემდეგ კრასნოდარელთა კაპიტანმა კლუბის ოფიციალურ ვებგვერდს მცირე ინტერვიუ მისცა, სადაც განვლილ მატჩსა და თავისი ტრავმის შესახებ ესაუბრა.
- თითქოს კარგად ვითამაშეთ, ვფლობდით ბურთს, ვაგებდით კომბინაციებს… ვერ გამიგია, როგორ წავაგეთ. თუმცა, თავის მხრივ, "ზენიტიც" არ იყო უქმად.
- თამაშის შედეგზე რას იტყვით?
- მინიმუმ, წაგებას არ ვიმსახურებდით.
- მატჩის წინ მწვრთნელი ამბობდა, რომ წარმატების მისაღწევად გუნდს დაცვაში იდეალურად თამაში მართებდაო...
- გასაგებია,
კაცმა რომ თქვას, "ზენიტს" ამ შეხვედრაში არც ჰქონია განსაკუთრებული მომენტები და ანგარიშიც არ ასახავს თამაშს.
- ფიქრობთ, რომ "ზენიტმა" კლასის ხარჯზე მოიგო?
- დაბეჯითებით რამის თქმა გამიჭირდება, თუმცა შესაძლოა, ასეც იყოს.
- მეორე ტაიმში სამედიცინო დახმარება აღმოგიჩინეს. რა მოხდა?
- ძლიერი დარტყმა მივიღე. საბედნიეროდ, ახლა ყველაფერი ნორმალურადაა. საქართველოს ნაკრებში თამაშს ნამდვილად შევძლებ - მატჩი 12 ოქტომბერს გვაქვს.
