"დნიპრომ" მიმდინარე სეზონისთვის ახალი ფეხბურთელები გაიფორმა. შეგახსენებთ, რომ უკრაინულ გუნდში ორი ქართველი ფეხბურთელი - ჯაბა კანკავა და სანდრო კობახიძე იმყოფება.კანკავა "დნიპრომ" ჯერ კიდევ სეზონის პირველი ნაწილის დასრულებამდე დაიბრუნა, ხოლო რაც შეეხება კობახიძეს, ის ხუანდე რამოსის გუნდში კიევის "არსენალიდან" დაბრუნდა.
"არსენალის" ფინანსურ პრობლემებზე საუბარს არ დავიწყებთ, რადგან ბევრჯერ დაგვიწერია ამ თემაზე და პირდაპირ სანდროს ამბავზე გადავალთ.
როგორც უკვე გითხარით, "დნიპრო" სეზონის განახლებას ახალი ფეხბურთელებით ხვდება და მათ შორისაა ქართველი შემტევი ნახევარმცველიც.
სანდრო კობახიძე "დნიპროში" 19-ნომრიანი მაისურით ითამაშებს. უკრაინული კლუბის ოფიციალურ
"სანდრო კობახიძე "დაბრუნებულთა" შორის, ალბათ, ყველაზე საინტერესოა. კობახიძე ორჯერ იყო განათხოვრებული (კრივბასი, არსენალი), თუმცა შახოვისგან განსხვავებით, სანდროს ხუანდე რამოსის ხელმძღვანელობით ჯერ არ უთამაშია. ამიტომ მას შეუძლია, ესპანელ სპეციალისტს საკუთარი შესაძლებლობები დაუმტკიცოს.
მის იჯარებს დავუბრუნდეთ. კრივოიროგელთა რიგებში მან თავი არაფრით დაგვამახსოვრა, მაგრამ კიევური გუნდის ისტორიაში საკუთარი კვალი დატოვა.
სხვა რომ არაფერი ვთქვათ, მისი გოლები "დნიპროსა" და "შახტარის" კარში აღნიშვნის ღირსია.
აუცილებელია იმის თქმა, რომ ქართველი ფეხბურთელი "არსენალში" უბრალოდ კი არ თამაშობდა, არამედ მოედანზე ბოლომდე იხარჯებოდა.
ასევე, გავრცელდა ჭორები, რომ მისით კიევის "დინამო" დაინტერესდა, მაგრამ ცნობილი მიზეზების გამო ის "დნიპროში" დაბრუნდა, სადაც თავისუფლად შეუძლია შემტევ ფეხბურთელებს შორის კონკურენცია გაზარდოს.
ფეხბურთელს ადაპტაციის მხრივაც არ უნდა ჰქონდეს პრობლემა, რადგან თავად კობახიძის თქმით, მას ჯაბა კანკავა ეხმარება, რომელიც მისი კარგი მეგობარია.
სანდროს ნამდვილად აქვს შანსი, თავისი მეგობრის გზა გაიაროს და ძირითადი შემადგენლობის ფეხბურთელი გახდეს".
გოლი "დნიპროსთან"
Video
სანდრო კობახიძემ კიევის ”არსენალს” ”დნეპრთან” ქულა მოაპოვებინა
სანდრო კობახიძემ კიევის ”არსენალს” ”დნეპრთან” ქულა მოაპოვებინა
გოლი "შახტართან"
Video
სანდრო კობახიძის ულამაზესი გოლი შახტარის კარში
სანდრო კობახიძის ულამაზესი გოლი შახტარის კარში
