გიორგი ჭანტურიას ამბავი ცნობილია - ფიფამ რუსეთში მიღებული დისკვალიფიკაცია აამოქმედა და არნემის "ვიტესის" თავდამსხმელს 7-მატჩიანი დისკვალიფიკაცია გამოუწერა. რუსების თავგამოდებამ და ფიფას პრინციპულობამ გააჩინა ეჭვი, რომ შესაძლოა, ვერდიქტი სანაკრებო მატჩებზეც გავრცელებულიყო.
ალექსანდრე ჩივაძის 21-წლამდელები ევროპის ჩემპიონატის შესარჩევ ჯგუფში 5 სექტემბერს ლუქსემბურგს, ხოლო 9-ში სლოვაკეთს ესტუმრებიან. ჩივაძემ "ვიტესის" შემტევიც გამოიძახა.
ორიოდე დღის წინ ვწერდით, რომ ფეხბურთის ფედერაცია აზუსტებდა, სანქციები სანაკრებო შეხვედრებსაც ხომ არ შეეხებოდა. ვითარებაში გასარკვევად თავად ჭანტურიას დავუკავშირდით:
"კლუბშიც მითხრეს და დავაზუსტე, რომ ეს დისკვალიფიკაცია ნაკრებებს არ ეხება. ასე რომ, ახალგაზრდული
რაც შეეხება დისკვალიფიკაციას, ჭანტურიამ ორი შეხვედრა უკვე გამოტოვა: ერთი - რუსეთში, ერთიც - ჰოლანდიაში. "ვიტესში" თამაშს კი 6 ოქტომბერს შეძლებს, როცა არნემელები "ფეიენოორდს" უმასპინძლებენ.
ყოველდღიური სპორტული გაზეთი "ლელო"
ასევე იხილეთ:
რუსეთში ჩხუბის გამო დასჯილი გიორგი ჭანტურია ვერც ნაკრებს დაეხმარება?
გიორგი ჭანტურია: მერაბ ჟორდანიამ საჭირო ხალხთან გადარეკა და...
გიორგი ჭანტურიამ და რუსმა ფეხბურთელმა მოედანზე იჩხუბეს [VIDEO]
