"საქართველო საფეხბურთო ქვეყანაა. ჩვენთან ყოველთვის იყვნენ ტალანტები, ახლაც არიან და მომავალშიც იქნებიან. თბილისის "დინამო" ქართული ფეხბურთის ისტორიის უდიდესი ნაწილია. ეს ბრენდია და ძნელად თუ მოიძებნება საქართველოში უკეთესი კლუბი კაპიტალის ჩასადებად. თავის დროზე "დინამოში" ვთამაშობდი, მერე გუნდის მთავარი მწვრთნელი ვიყავი და კარგად ვიცნობ ამ კლუბს. დიდი ფული რომ მქონდეს, აუცილებლად ვიყიდიდი "დინამოს". ძალიან
"ინტერის" თავკაცს კოლეგა-მეგობრებზეც ჰკითხეს.
"ნაკრებში ჩემს ყოფილ თანაგუნდელებთან დღემდე მეგობრული ურთიერთობა მაკავშირებს. ტელეფონით ხშირად ველაპარაკები თურქული "ქაისერისფორის" მთავარ მწვრთნელ შოთა არველაძეს და ჩვენი გუნდების თამაშზე ვსაუბრობთ. ასევე ხშირი კონტაქტი მაქვს თემურ ქეცბაიასთან, რომელიც საქართველოს ნაკრებს წვრთნის. ახლახან "ვოლგას" თავკაც ომარ თეთრაძეს პრემიერლიგაში გადასვლა მივულოცე. მან ორ წელიწადში ზედიზედ მეორე გუნდი გადაიყვანა პირველი ლიგიდან პრემიერლიგაში. ეს კი დიდი შედეგია... იყო დრო, ჩვენ ცნობილი ფეხბურთელები ვიყავით და ბედნიერი ვიქნები, თუ ყველანი ცნობილი მწვრთნელები გავხდებით", - ისურვა კახა ცხადაძემ.
