"ყველა პროფესიულ კლუბს თავისი კოდექსი აქვს, ისევე, როგორც ყველა პროფესიონალ ფეხბურთელს.
გერმანული საიტები 23 წლის ქართველ მცველისსაც დაეკითხნენ.
"სავიო ჩვენს კლუბში იყო. იმ საღამოს დამიკავშირდა და მთხოვა, ერთმანეთს ბარში შევხვედროდით. დავსხედით და ვისაუბრეთ, დიდხანს არ გავჩერებულვარ... გულწრფელად ვწუხვარ და ვნანობ. კლუბის ხელმძღვანელობას და მწვრთნელს უკვე ვესაუბრე და მათ ყველაფერი ავუხსენი", - აღნიშნა ღვინიანიძემ.
შეგახსენებთ, რომ მათეს სავარაუდო ტრანსფერის შესახებ ცნობები ამ ორიოდე კვირის წინათაც გავრცელდა. მაშინ ღვინიანიძემ თქვა, რომ დეკემბერში გადაწყვეტს, შეიცვალოს თუ არა კლუბი. ჩვენებურს "ლომებთან" მიმდინარე სეზონის ბოლოს უმთავრდება კონტრაქტი. მათემ ისიც აღნიშნა, რომ კლუბში თავს კარგად გრძნობს და ხელშეკრულების გაგრძელებასაც არ გამორიცხავს. თუმცა გერმანელი მიმომხილველები ვარაუდობენ, რომ მომხდარის შემდეგ მათე "ლომებს" ზამთარშივე დატოვებსო. მეორე ბუნდესლიგაში სეზონის პირველი წრის დასრულებამდე 4 ტურიღა დარჩა. ვნახოთ, რა მოხდება დეკემბერში.
