8 დეკემბერს რუსეთის პრემიერლიგა ზამთრის არდადეგებზე გავიდა. საბა კვირკველიასა და მამუკა კობახიძის "რუბინმა" გასვლაზე 1:0 მოუგო "მორდოვიას". კვირკველიამ მინდორზე 90 წუთი გაატარა და ყვითელი ბარათი მიიღო, კობახიძე კი სათადარიგო იყო.
* * *
"სპარტაკმა" 2:0 მოუგო "ურალს". არ უთამაშია ჯანო ანანიძეს, მეტიც - ის განაცხადშიც არ იყო, რადგან ამ გუნდების დუბლშემადგენლობების შეხვედრაში (3:3) ითამაშა. სხვათა შორის, ამ მატჩში დუბლი შეასრულა რუსეთის მოქალაქე გიორგი მელქაძემ.(იბეჭდება მცირე ცვლილებით)
ყოველდღიური სპორტული გაზეთი "ლელო"
