"ლელოს" ექსკლუზიური ინფორმაციით, თემურ ქეცბაია, დიდი ალბათობით, აზერბაიჯანის პრემიერლიგის კლუბ "გაბალას" გაწვრთნის. ეს-ესაა, მეზობელი ქვეყნის ერთ-ერთი უმდიდრესი კლუბიდან რუმინელი დორინელ მუნტიანუ დაითხოვეს. როგორც აზერბაიჯანული ვებგვერდები წერენ, დროებით მწვრთნელად სანიან გურბანოვი დაინიშნა, პარალელურად კი, მიმდინარეობს მოლაპარაკება ერთ-ერთ სპეციალისტთან, რომელიც ვაკანტურ თანამდებობას ახლო მომავალში ჩაიბარებს.
ეს "ერთ-ერთი სპეციალისტი" კი, ჩვენი სანდო წყაროს ცნობით, სწორედ საქართველოს ნაკრების ყოფილი მწვრთნელია, ვინც ახლახან საბერძნეთის ეროვნული გუნდის თავკაცობაზე აცხადებდა პრეტენზიას.
აზერბაიჯანის 10-გუნდიან პრემიერლიგაში "გაბალა"
ყოველდღიური სპორტული გაზეთი "ლელო"
