დიდი შანსია, მოსკოვის "სპარტაკმა" ქართველი ნახევარმცველი ჯანო ანანიძე სხვა გუნდში გაუშვას - სავარაუდოდ, იჯარით. ცნობილია ასევე, რომ ქართველის თაობაზე მოსკოველებს წინადადებით რამდენიმე კლუბმა უკვე მიმართა, განსაკუთრებით კი, "როსტოვი" აქტიურობს, რომლის რიგებშიც ჯანომ შარშან რუსეთის თასი მოიგო.როგორ წარიმართება საქართველოს ნაკრების ფეხბურთელის კარიერა ახლო მომავალში, ამას "სპარტაკის" მთავარი მწვრთნელი მურატ იაკინი გადაწყვეტს, იქამდე კი ჯანოს პერსპექტივებზე აზრი მოსკოვური კლუბის ვეტერანებმა გამოთქვეს.
სტატია, სათაურით "დამწნილებული ჯანო" Eurofootball-მა გამოაქვეყნა. აი, რას ამბობენ რუსეთში ანანიძეზე:
ვალერი კეჩინოვი ("სპარტაკის" ყოფილი მოთამაშე, ამჟამად მწვრთნელი):
"ყველა პარამეტრის
ანანიძეს არ აქვს სუპერფიზიკური მონაცემები, მაგრამ მას ესმის ფეხბურთი და როდესაც ფორმაშია, კრეატიულობით ხასიათდება. და საერთოდ, რაზეა საუბარი, როდესაც "სპარტაკში" მწვრთნელთან რაღაც უთანხმოების გამო შიროკოვმაც კი ვერ ითამაშა? როგორც ჩანს, იაკინს არ სჭირდება ის ფეხბურთელები, რომლებსაც მომენტის შექმნა, ჭკვიანურად თამაში და ინდივიდუალური ოსტატობით გოლის გატანა შეუძლიათ.
რა თქმა უნდა, "სპარტაკში" კონკურენცია გაცილებით მაღალია, ვიდრე "როსტოვში", სადაც ანანიძემ თავი კარგად წარმოაჩინა, მაგრამ, როგორც გულშემატკივარი, ვისურვებდი მის ნახვას შემადგენლობაში.
ცეცხლს ნავთი ჯანოს აღმოსავლეთში, სათასო მატჩზე გაფრენაზე უარის თქმამ დაასხა. ამან არათუ გავლენა მოახდინა, გამანადგურებლად იმოქმედა ანანიძის პერსპექტივაზე "სპარტაკში". ეს დისციპლინის ძალიან სერიოზული დარღვევაა, რასაც მწვრთნელები არ პატიობენ ხოლმე. რაც უნდა იყოს, გუნდში დისციპლინა პირველ ადგილზე დგას.
რაც უნდა იყოს, ამჟამინდელი მწვრთნელის ხელში ჯანოს შემადგენლობაში მოხვედრის შანსი არ აქვს და ორი აზრი არ არსებობს, ანანიძე სხვა კლუბში უნდა გადავიდეს. რა აზრი აქვს ფეხბურთელის დამწნილებას, როცა ის სათადარიგოთა შორისაც ვერ ხვდება. თუკი მწვრთნელი გუნდში მოთამაშის ადგილს ვერ ხედავს, ლოგიკური მისი გაყიდვა ან თუნდაც იჯარით გაშვება იქნებოდა".
იური გავრილოვი (სსრკ-ის ნაკრებისა და "სპარტაკის" ყოფილი ფეხბურთელი, ამჟამად საფეხბურთო აგენტი):
"ვფიქრობ, "სპარტაკში" ანანიძემ კონკურენციას ვერ გაუძლო. არადა, "როსტოვში" ის და ძიუბა თითქოს კარგად თამაშობდნენ. ძნელია რამე თქვა, როდესაც სიტუაციას შიგნიდან არ იცნობ...
საჭიროა, მუდმივად ავლენდე საკუთარ შესაძლებლობებს მოედანზე. რა თქმა უნდა, ვითარებაზე ძალიან ცუდად იმოქმედა ანანიძის ნაბიჯმა, როდესაც კომსომოლსკში სათამაშოდ არ გაფრინდა.
მართალია, ჩვენ ზუსტად არ ვიცით, რა მოხდა მაშინ და რამ აიძულა, ეს ნაბიჯი გადაედგა. იქნებ ბოლომდე გამოჯანმრთელებული არც იყო... მგონია, რომ პროფესიონალი ფეხბურთელი სათამაშოდ წასვლაზე უმიზეზოდ უარს არ იტყვის".
ვაგიზ ხიდაიტულინი (სსრკ-ის ნაკრებისა და "სპარტაკის" ყოფილი ფეხბურთელი, რუსეთის მწვრთნელ-ფეხბურთელთა პროფკავშირის პრეზიდენტი):
"ვფიქრობ, ანანიძეს თავის გამოჩენის შესაძლებლობა "სპარტაკში" საკმარისად ჰქონდა. კარპინის დროს ის ხშირად თამაშობდა. როცა გუნდში ახალი მწვრთნელი მოდის, შენი ვალია, მოედანზე დაამტკიცო, რა შეგიძლია და ზუსტად შეასრულო მითითებები.
როგორც ჩანს, ჯანომ კონკურენციას ვერ გაუძლო. რაც უნდა იყოს, "სპარტაკში" უფრო მაღალი მოთხოვნებია, ვიდრე "როსტოვში".
ეჭვს არ იწვევს ის, რომ ანანიძე ნიჭიერია და ახლა ოპტიმალური ვარიანტი მისთვის ახალი გუნდის მოძიება იქნება, სადაც სათამაშო პრაქტიკა ექნება, ისევე, როგორც ეს რომან შიროკოვმა გააკეთა, რომელმაც მისთვის სტილითა და ხასიათით შესაფერისი გუნდი მოძებნა.
ფეხბურთელი მოედანზე ცხოვრობს, წლები კი გადის. უბრალოდ, საცოდაობაა სათადარიგოთა სკამზე ჯდომა - შემდეგ რომ არ გახდეს სანანებელი უაზროდ გაფლანგული დრო.
მეორე მხრივ, შეიძლება კმაყოფილდებოდე რეზერვში ყოფნითა და კარგი ხელფასით, მაგრამ არ ვფიქრობ, რომ სამხრეთული ხასიათისა და ამბიციების მქონე ანანიძისთვის ეს უკანასკნელი მისაღები ვარიანტი იყოს.
ვუსურვებ ჯანოს თავისი შესაფერისი გარემოს მოძებნასა და საკუთარი შესაძლებლობების რეალიზებას".
-თქვენთვის შეიძლება, თქვენ ღირსება დაკარგული გაქვთ!