ერთი წყაროს მტკიცებით, მათეს გამოჩენას "აუგსბურგში" ელოდნენ. თუმცა, ამ გუნდმა უკვე განაახლა ვარჯიში, მაგრამ ღვინიანიძე გუშინდლამდე არ გამოჩენილა. "მიუნხენ 1860"-ის სპორტულმა დირექტორმა მიკი სტევიჩმა კი განაცხადა:
"ღვინიანიძეს კარგი წინადადებები აქვს რუსეთიდან. მისი დამატება ბილეფელდის "არმინიასაც" სურს. თუმცა, ჯერჯერობით მათეს
ჩვენებურით დაინტერესებული რუსულ კლუბზე ღიად ჯერ არაფერი თქმულა. რაც შეეხება "არმინიას", ეს გუნდი მეორე ბუნდესლიგაში 7 ქულით ბოლო ადგილზეა, და ლიგაში დარჩენისთვის ბრძოლაში მას დაცვის გაძლიერება ნამდვილად სჭირდება. აღსანიშნავია ისიც, რომ ბილეფილდელთა გუნდს "მიუნხენ 1860"-ის ყოფილი თავკაცი ევალდ ლინენი წვრთნის.
სხვათა შორის, ეს ის ლინენია, რომელიც მიუნხენში მუშაობისას დიდად აფასებდა მათეს და როცა პირეოსის "ოლიმპიაკოსი" ჩაიბარა, საბერძნეთში თავისთან ეპატიჟებოდა ქართველ მცველს.
მედიასთან საუბარში მათე ახსენა მიუნხენელთა კლუბის მრჩეველმა კარლ ჰერცოგმა.
"ღვინიანიძემ უკვე არაერთხელ აღნიშნა, რომ "მიუნხენ 1860"-ში კომფორტულად გრძნობს თავს. თუ მან აზრი შეიცვალა და წასვლა გადაწყვიტა, მაშინ კარგი წინადადებებიც ექნება. მას ვუთხარი კიდეც, თუ სხვა გუნდში გადასვლა არ უნდა, მაშინ შეუძლია დარჩეს, რადგან მისი საკონტრაქტო ვადა ჯერ არ ამოწურულა. ჯერ თავად მათემ უნდა მიიღოს გადაწყვეტილება, რომელსაც ჩვენც პატივს ვცემთ. იმედი მაქვს, ღვინიანიძე სწორ ნაბიჯს გადადგამს."
ამასობაში კი "ლომებმა" რამდენიმე დასამატებელი ფეხბურთელი უკვე შეიგულეს, რომელთა შორის მცველებიც არიან. მიუნხენ 1860"-ის მთავარი მწვრთნელი რაინერ მაურერმა abendzeitung.de-სთან საუბარში თავისი პოზიცია დააფიქსირა:
"ღვინიანიძეს კლუბთან კონტრაქტი აკავშირებს. თუმცა თუ წასვლას გადაწყვეტს, ამაში ტრაგიკულს ვერაფერს ვხედავ, რადგან ჩვენ გვყავს მცველები, რომელთაც მის პოზიციაზე შეუძლიათ თამაში. მას ასევე შეუძლია დარჩეს და ჩვენს გუნდში გააგრძელოს თამაში. ასე რომ, მათე არჩევანში შეზღუდული არ არის და თავად უნდა გადაწყვიტოს, რას იზამს."
შევიტყვეთ ისიც, რომ მათეს დამატების სურვილი შვეიცარიულ "ბაზელსაც" აქვს. შვეიცარიის ჩემპიონი, რომელსაც გერმანელი ტორსტენ ფინკი წვრთნის, 32 ქულით ცხრილში მეორე ადგილზეა და ლიდერ "ლუცერნს" მხოლოდ ქულით ჩამორჩება.
"მიუნხენ 1860"-თან ღვინიანიძეს 30 ივნისს უმთავრდება კონტრაქტი. შესაბამისად, მის მსურველ კლუბს "ლომებისთვის" თანხის გადახდა მოუწევს. მათე 2006 წლიდან თამაშობს (80 მატჩში ერთი გოლი) "მიუნხენ 1860"-ში, ეროვნულ ნაკრებში 9 მატჩი უთამაშია, მისი სატრანსფერო ფასი კი 900 ათასი ევროა.
.
