- "ვოლგას" გარდა სხვა კლუბებიც გეპატიჟებოდნენ. თქვენი არჩევანი რით არის განპირობებული?
- "ვოლგასთან" წინადადება ნოემბრის ბოლოს მივიღე. მართალი გითხრათ, ბევრი არ მიფიქრია. მით უმეტეს, გუნდის მთავარ მწვრთნელ ომარ თეთრაძეს დიდი ხანია ვიცნობ, მაშინ გავიცანი, როცა "სატურნში" ვთამაშობდი და ერთმანეთთან თბილი ურთიერთობა გვაკავშირებს.
ერთი სიტყვით, "ვოლგადან"
- "ვოლგაში" გადასვლა ფინანსურად რამდენად გამართლებული იყო?
- ვფიქრობ, ნალჩიკის "სპარტაკი" პრემიერლიგაში ყველაზე ღარიბი კლუბია. "ვოლგაში" ჩემს ყოფილ კლუბზე უკეთესი ფინანსური პირობებია.
- ახალ გუნდში უკვე ივარჯიშეთ. რა აზრის ხართ?
- მართალი გითხრათ, იოლი ნამდვილად არ ყოფილა. დიდხანს, თითქმის თვენახევრის განმავლობაში მომიწია დასვენებამ. ასეთი შესვენების შემდეგ, პირველივე ვარჯიშზე დიდი დატვირთვა მოგვცეს და რთული იყო. თუმცა ახალი გუნდით კმაყოფილი ვარ. მჯერა, ეს დიდი დატვირთვა და მძიმე ვარჯიშები სასურველ შედეგს მოგვიტანს.
- ახალ სეზონში "ვოლგა" რა მიზნისთვის იბრძოლებს?
- ამაზე ჯერ ლაპარაკი არ ყოფილა. გასულ სეზონში ნალჩიკის "სპარტაკს" სეზონის წინ მიზანი არ დაუსახავს. უბრალოდ, გავდიოდით მოედანზე და ყველა მატჩში ბოლომდე ვიბრძოდით სასურველი შედეგისთვის. ყველა დამეთანხმება, რომ ჩინებული შედეგი ვაჩვენეთ. ჩემპიონატის დაწყებამდე ვერავინ იფიქრებდა, რომ ევროსაგზურისთვის ვიბრძოლებდით.
- თქვენი გუნდის ყოფილმა თავკაცმა იური კრასნოჟანმა მოსკოვის "ლოკომოტივი" ჩაიბარა...
- მართალი გითხრათ, კრასნოჟანი "ლოკომოტივში" ვერ წარმომიდგენია. ვფიქრობ ეს მწვრთნელი ნალჩიკის "სპარტაკისთვის" ზედგამოჭრილი იყო. იმის განსჯას ნამდვილად არ დავიწყებ, აეწყობა თუ არა მას საქმე რკინიგზელთა კლუბში. დრო ყველაფერს გვიჩვენებს.
.
