საქართველოს ნაკრების საყრდენი ნახევარმცველი კახა მახარაძე 2011 წლიდან ტაშკენტის "ფახთაქორის" შეუცვლელი ფეხბურთელი, უზბეკეთის გამორჩეული კლუბის ლიდერი და კაპიტანია.შესაძლოა, 27 წლის ფეხბურთელი მალე თბილისის "დინამოში" აღმოჩნდეს. ამის შესახებ "ლელომ" ინფორმაცია უკვე მოგაწოდათ, ოღონდ თავად ფეხბურთელს ამ საკითხთან დაკავშირებით კომენტარი აქამდე არ გაუკეთებია.
"ლელო" მახარაძეს უზბეკეთში დაუკავშირდა და "დინამოს" ინტერესზე ჰკითხა:
"ამაზე ჯერ კონკრეტულს ვერაფერს ვიტყვი. ისე, დაინტერესება ნამდვილად არის. ისიც უნდა გავითვალისწინოთ, რომ "ფახთაქორთან" ნახევარწლიანი კონტრაქტი კიდევ მაკავშირებს", - გვითხრა მახარაძემ.
საინტერესოა მისი აზრი საქართველოს ეროვნული ნაკრების ბოლო ორ მატჩზეც:
რაც შეეხება უკრაინასა და პოლონეთთან შეხვედრებს, ჩემი აზრით, ორივე მატჩში უკეთეს შედეგს ვიმსახურებდით. არ გაგვიმართლა. მჯერა, მალე შედეგი გვექნება", - გვითხრა მახარაძემ.
ყოველდღიური სპორტული გაზეთი "ლელო"
![ეროვნული ლიგა. XXXIII ტური. "დილა" - "დინამო" (თბ) [LIVE]](/pictures/image7/51a7cde92f25b61aecd677fa1560027b.png "ეროვნული ლიგა. XXXIII ტური. \"დილა\" - \"დინამო\" (თბ) [LIVE]")
