მოსკოვის "სპარტაკის" ოფიციალური საიტის ცნობით, 8 სექტემბერს "ტარასოვკის" ბაზაზე დაბრუნდა ქართველი ლეგიონერი ჯანო ანანიძე, რომელიც ინდივიდუალურ ვარჯიშს შეუდგა: "ტარასოვკაში ასევე დაბრუნდნენ ჯანო და იველინ პოპოვი, რომელთაც ეროვნულ ნაკრებებში ითამაშეს. ისინი შეუდგნენ ინდივიდუალური პროგრამით მზადებას", წერს საიტი.
შეგახსენებთ, რომ ჯანო ანანიძემ შოტლანდიასთან 1:0 მოგებულ შეხვედრაში კი მიიღო მონაწილეობა, მაგრამ ტრავმის გამო ნაკრებს ირლანდიაში ვეღარ გაჰყვა, სადაც კახა ცხადაძის გუნდი 0:1 დამარცხდა.
