რუსეთის პრემიერლიგის მე-8 ტურში ნუკრი რევიშვილის "მორდოვია" სტუმრად 0:1 დამარცხდა "კრილია სოვეტოვთან". რევიშვილმა მარცხის მიუხედავად, კარგად ითამაშა, განსაკუთრებით, აღსანიშნავია მისი "სეივი" ბურლაკის თავური დარტყმის მერე.
თამაშის მერე საქართველოს ნაკრების გოლკიპერმა მცირე ინტერვიუ მისცა Rusfootball.info-ს.
- "მორდოვიამ" თამაში მძიმედ დაიწყო, პირველ ტაიმში გუნდმა თითქმის ვერ შექმნა მომენტები, რისი ბრალი უნდა იყოს ეს?
- არ ვიცი, რის გამო მოხდა ასე, მაგრამ გაშვებული ბურთის მერე გადავეწყვეთ და მეორე ტაიმში სულ სხვაგვარად ვითამაშეთ. "კრილიამაც" უკან დაიხია და შევუტიეთ.
- "მორდოვია" ხისტად თამაშობდა, ეს მწვრთნელის
- არა, ჩვენ მუდმივად ვიბრძვით, სულ ხისტად ვთამაშობთ. ჩვენ ისეთი გუნდი არ გვყავს, რომ კლასით ვაჯობოთ სხვებს. სხვანაირად, უბრალოდ ფონს ვერ გავალთ.
- "კრილიაში" ყველას მოწონს ახალწვეული საფრანგეთიდან მოლიო, რას იტყვით ამ ფეხბურთელზე?
- დიახ, მან ძალიან გააძლიერა გუნდი. კარგი შენაძენია ჩვენი მეტოქე გუნდისთვის.
![სოლიდური კონკურენტი ლორიასა და მამარდაშვილს - რევიშვილის სასწაული სეივი [VIDEO]](/pictures/image7/41181ab0fd8f7f87073e1f1cc7c4f21a.jpg "სოლიდური კონკურენტი ლორიასა და მამარდაშვილს - რევიშვილის სასწაული სეივი [VIDEO]")
