საქართველოს ნაკრების მეკარე ნუკრი რევიშვილი "მორდოვიას" ძირითადს დაუბრუნდა და "ზენიტთან" საგარეო მატჩში კარი მშრალად შეინახა. რუსულმა მედიამ ამ ტურში სწორედ ნუკრი გამოარჩია. "სპორტ-ექსპრესმა" ის რუსული პრემიერლიგის მე-14 ტურის სიმბოლურ ნაკრებში შეიყვანა.
"ნუკრი რევიშვილი (მორდოვია), 7 ბალი - ქართველი გოლკიპერის თამაშმა შაბათს სარანსკელებს სტუმრად ჩემპიონთან ქულა მოუპოვა", - წერს გამოცემა.
ამასთან, რევიშვილი ტურის MVP-ობის ნომინანტია ინტერნეტპორტალ championat.com-ის მიხედვით. ნომინანტები ექსპერტებმა და ჟურნალისტებმა შეარჩიეს, გამოკითხვაში კი სამი ლიდერობს, ერთ-ერთი სწორედ ნუკრი რევიშვილია.
მე-14 ტურის სიმბოლური (სპორტ-ექსპრესი)
![სოლიდური კონკურენტი ლორიასა და მამარდაშვილს - რევიშვილის სასწაული სეივი [VIDEO]](/pictures/image7/41181ab0fd8f7f87073e1f1cc7c4f21a.jpg "სოლიდური კონკურენტი ლორიასა და მამარდაშვილს - რევიშვილის სასწაული სეივი [VIDEO]")
