პორტუგალიის თასის 1/6-ფინალში ავთო ებრალიძის "ჟილ ვისენტე" სტუმრად "კასტელო ბრანკოს" დაუპირისპირდა და მეტოქე 1:3 დაამარცხა. მესამე გოლი სწორედ ქართველი ფეხბურთელის ანგარიშზეა.Sportall.ge ავთოს პორტუგალიაში დაუკავშირდა და გაესაუბრა.
- გოლი "მაკრატელათი" "ორიენტალის" კარში და ამჯერად გოლი "კასტელო ბრანკოს" წინააღმდეგ...
- დიახ, "ორიენტალი" ჩემი ერთადერთი გოლით დავამარცხეთ, რომელიც ჩემს კარიერაში საუკეთესოა. ახლა კი თასზე მნიშვნელოვანი თამაში მოვიგეთ, მერვედფინალში გავედით და მიხარია, რომ გუნდის წარმატებაში ჩემი წვლილი შევიტანე.
- თასზე წ
- პირველი ლიგისგან განსხვავებით, მეორე ლიგაში თამაში ძალიან ძნელია. სულ 24 გუნდია და სეზონის მანძილზე 46 თამაშის ჩატარება გვიწევს. ხშირად კვირაში სამ თამაშს ვატარებთ, რაც არ არის ადვილი. პირველ ხუთეულში ადგილის გასამყარებლად ზედიზედ 3 თამაშის მოგება გვჭირდება (რედ. ამჟამად "ჟილ ვისენტე" 19 ქულით მე-17-ეა, მე-5-ადგილოსან "პორტიმენსეს" კი სულ 6 ქულით ჩამორჩება).
- პორტუგალიის მეორე ლიგაში ასპარეზობს საქართველოს ნაკრების მეკარე გიორგი მაკარიძეც. რამდენად ხშირად გაქვს მასთან კონტაქტი?
- მაკარიძეს ჯერ არ შევხმიანებივარ, მაგრამ ძალიან ვგულშემატკივრობ და ერთმანეთს მალე შევხვდებით.
- გქონდა თუ არა შემოთავაზება სხვა გუნდებისგან?
- რამდენიმე შემოთავაზება მქონდა, მაგრამ პრეზიდენტმა არ გამიშვა - სანაცვლოდ დიდ თანხას ითხოვდა. ახლა ვთამაშობ და მთელი კონცენტრაცია აქ მაქვს გადატანილი, ვნახოთ, რა იქნება.
- კონკრეტულად რომელი კლუბებისგან იყო დაინტერესება და რა თანხაზე იყო საუბარი?
- 4-5 კლუბი იყო პორტუგალიის უმაღლესი ლიგიდან, ასევე, თურქეთიდან და ესპანეთიდან. საუბარია ნახევარ მილიონზე, მაგრამ იმედია, პრეზიდენტი ახლა უფრო ნაკლებ თანხას მოითხოვს.
- დაბოლოს... ეროვნულ ნაკრებზე რას გვეტყვი?
- ნაკრები კარგად ათამაშდა. რაც მთავარია, ბურთის კონტროლი და შეტევა გამოსწორდა. ვიმედოვნებ, მალე დასახულ მიზანსაც მივაღწევთ.
