საქართველოს ეროვნული ნაკრების 20 წლის ფეხბურთელი ლაშა დვალი პოლონურ "შლიონსკში" სამედიცინო შემოწმების გავლის შემდეგ ამ გუნდის ღირსებას დაიცავს.ინფორმაცია ამის შესახებ პოლონური გუნდის ოფიციალურმა საიტმა გაავრცელა.
"დვალი 21 წლის, მარცხენა ფეხით მოთამაშე მცველია. ახალი სეზონი მან "დუისბურგში" დაიწყო, მაგრამ მალევე კლუბთან კონტრაქტი გაწყვიტა. "დუისბურგამდე" ქართველი ინგლისურ "რედინგსა" და თურქულ "ქასიმფაშაში" ირიცხებოდა.
დვალს სხვადასხვა დროს უთამაშია საქართველოს ასაკობრივ ნაკრებებში, დღესდღეობით კი ახალგაზრდული ნაკრების წევრია", - წერს საიტი ქართველ მცველზე.
"შლიონსკი" პოლონეთის ორგზის ჩემპიონია, ამჯამად კი ექსტრაკლასაში მე-14 ადგილზეა.
