მსოფლიო ფეხბურთის ავსტრიული პორტალი weltfussball.at გერმანული ბუნდესლიგის სეზონის განახლებამდე ყველა გუნდის შანსებს აფასებს. ბრემენის "ვერდერთან" დაკავშირებით, საიტი შეეხო გიორგი პაპუნაშვილის თემას:
"გიორგი პაპუნაშვილმა "ვერდერის" 23-წლამდელთა გუნდიდან, სულ მცირე, კარგი გოლით გამოიჩინა თავი "აუესთან" გუნდისთვის უიღბლო ტესტ-მატჩში.
მაგრამ უახლოეს მომავალში პირველ გუნდში მის ადგილს ვერ ვხედავთ".
თუმცა, ამის საპირისპიროდ, kicker-ი გიორგის "შალკესთან" კვირის თამაშის განაცხადში, სათადარიგოთა სკამზე მოიაზრებს.
