გიორგი ჭანტურია: კიდევ ორი ფინალი გვაქვს სათამაშო

გერმანიის მეორე ბუნდესლიგის ბოლო ტურში მოპოვებული უმნიშვნელოვანესი გამარჯვების შემდეგ "დუისბურგის" ქართველმა ფეხბურთელმა გიორგი ჭანტურიამ ჟურნალისტებთან მოკლე კომენტარი გააკეთა.

- ლეგიონის უქმეები: "დუისბურგის" მხსნელი გიორგი ჭანტურია [VIDEO]

შეგახსენებთ, რომ "დუისბურგმა" ბოლო ტურში მეორეადგილოსან "ლაიპციგს" უმასპინძლა, ჭანტურიას ერთადერთი გოლით იმარჯვა, რითაც მეორე ბუნდესლიგიდან გავარდნას გადაურჩა, მაგრამ არც დარჩენა გაუნაღდებია - "დუისბურგი" გადათამაშებაში მიიღებს მონაწილეობას.

"ვიცოდით, თუ რაოდენ რთული შეხვედრა გველოდა "ლაიპციგთან", მაგრამ გავერთიანდით და ამან შედეგი გამოიღო. რა თქმა უნდა, ბედნიერები ვართ, მაგრამ ეს დასასრული არ არის - წინ კიდევ ორი ფინალი გვაქვს სათამაშო", - ციტირებს ჭანტურიას derwesten.de.