2016/17 წლების სეზონში ავთო ებრალიძის "ჟილ ვისენტე" პორტუგალიის ელიტურ დივიზიონ პრიმეირაში ითამაშებს. მართალია, "ჟილ ვისენტემ" სეგუნდა ლიგაში მხოლოდ მე-11 ადგილი დაიკავა, ელიტაში ადგილი კი გუნდმა სასამართლოს გადაწყვეტილებით მიიღო.
საქმე ისაა, რომ 2006 წლის აგვისტოში "ჟილ ვისენტე" მეორე დივიზიონში დააქვეითეს. მიზეზი ანგოლელი მატეუსი იყო, რომელმაც მოყვარული ფეხბურთელის სტატუსით ითამაშა სეზონში.
10 წლის განმავლობაში "ჟილ ვისენტემ" ყველა ინსტანცია მოიარა და საბოლოოდ მოიგო სასამართლო. ფეხბურთის ფედერაცია დაავალდებულეს, რომ კლუბი დაუყოვნებლივ დააბრუნონ ელიტაში, ხოლო გუნდების რაოდენობა 20-მდე გაიზარდოს.
24 წლის ებრალიძემ სამი სეზონი გაატარა
შეგახსენებთ, რომ ახალ სეზონში პორტუგალიურ ელიტაში კიდევ ერთი ქართველი ითამაშებს, "მორეირენშეს" კარს გიორგი მაკარიძე დაიცავს.
