გიორგი ჭანტურიას გუნდ "ურალს" ახალი მთავარი მწვრთნელი დაუნიშნეს

რუსეთის პრემიერლიგის კლუბ "ურალს", რომლის ღირსებას საქართველოს ნაკრების ფეხბურთელი გიორგი ჭანტურია იცავს, ახალი მთავარი მწვრთნელი ჰყავს - ალეკსანდრ ტარხანოვი. 62 წლის რუსი სპეციალისტი გუნდთან მუშაობას უახლოეს მომავალში შეუდგება.

ტარხანოვს "ურალში" მთავარ მწვრთნელად 2013-15 წლებშიც უმუშავია, თანამდებობის დატოვების შემდეგ კი კლუბის პრეზიდენტის მრჩეველი იყო.

ბოლოს ჭანტურიას გუნდს ვადიმ სკრიპჩენკო წვრთნიდა, რომელმაც თანამდებობა ბოლო ტურში შინ "ტერეკთან" 1:4 წაგებული მატჩის შემდეგ დატოვა. ამჟამად გუნდს 9 ქულა აქვს და ცხრილში მე-13 ადგილი უკავია.