"დინამომ" 1981 წლის 13 მაისს, გერმანიის ქალაქ დიუსელდორფში ევროპის თასების მფლობელთა თასის ფინალში იენის "კარლ ცაისი" ვლადიმერ გუცაევისა და ვიტალი დარასელიას გოლებით, ანგარიშით 2-1 დაამარცხა. დიდი გამარჯვებიდან 30 წლისთავის აღსანიშნავად, ხვალ, 19:00 სთ-ზე ფილარმონიის საკონცერტო დარბაზში საიუბილეო საღამო გაიმართება, რომელიც კონცერტით დასრულდება.
ღონისძიებას "დინამოს" ვეტერანი ფეხბურთელები, სხვადასხვა ქვეყნებიდან ჩამოსული ვეტერანი და მოქმედი ფეხბურთელები და ქართული სპორტის სხვადასხვა თვალსაჩინო წარმომადგენლები დაესწრებიან.
"ინტერპრესნიუსი"
