ევროპის ლიგის მონაწილემ და საქართველოს თასის მფლობელმა "გაგრამ" გუშინ, 22 ივნისს მუხრანში ორი საკონტროლო მატჩი გამართა და ორივე რევაზ ძოძუაშვილის უგუნდოთა ნაკრებთან, რომელიც ორიოდე დღის წინ 2:0 დაამარცხა. Aპირველ შეხვედრაში გიორგი ჯოხაძის მიერ მე-51 წუთზე გატანილი ერთადერთი გოლით ანატოლი პისკოვეცის გაწვრთნილებმა გაიმარჯვეს - 1:0.
"გაგრა": მაღრაძე, ჩხეტიანი, ტყეშელაშვილი, აქუბარდია, ჯიშკარიანი, ჯოხაძე, ჯანაშია, ხუბუა, ხოჯაშვილი, ციცხვაია, გაბედავა.
შეცვლაზე შევიდნენ: ჯერემაია, გოგოხია.
"გაგრამ" მეორე დაპირისპირებაშიც გაიმარჯვა 4:1. გოლები გაიტანეს გრძელიძემ (2), გაბენიამ და ხუციძემ.
"გაგრა": ბეგაშვილი, გაბუნია, ყურულაშვილი, კალანდაძე, ხუციძე, გედენიძე,
შეცვლაზე შევიდნენ: გრძელიძე, ყიფიანი.
"გაგრაში" ახალი ფეხბურთელები ვარჯიშობენ: ზუგდიდის "ბაიადან" - მაკარ აქუბარდია და გოგოხია, ფოთის "კოლხეთიდან" დათა სიჭინავა, საჩხერის "ჩიხურადან" მეკარე გიორგი ბეგაშვილი, 17 წლის აგრეთვე ნიგერიელი ჯონ ჯერემაია.
"გაგრას" საზოგადობასთან ურთიერთობისა და იურიდიული სამსახურის უფროსის მიხეილ აფხაზავას თქმით, ჯერემაია პისკოვეცს მოსწონს და, ალბათ, გუნდში ჩაირიცხება, აქუბარდიასა და გოგოხიას საკითხი მალე გადაწყდება, იანვარში ჩამოსული ნიგერიელი სულეიმან სადიქი კი მწვრთნელმა გაუშვა.
ჯერჯერობით ისვენებს საქართველოს თასის ფინალის გმირი, მეკარე კოკა სეფიაშვილი, მაგრამ გუნდს მალე შეუერთდება. მცირე ტრავმის გამო გუშინ დაასვენეს დავით გიგაური. საშიში არაფერია და ის დღეს ივარჯიშებს.
სპარინგ-მატჩებში არ მონაწილეობდა "გაგრას" ახალწვეულ გიორგი ჭედია, რომელიც კონტრაქტს დღეს, 23 ივნისს აფორმებს. გელა ხუბუა და გიორგი ბეგაშვილი კი გუნდთან ერთად სრული დატვირთვით ემზადებიან.
დაბოლოს: კენჭისყრის მიხედვით, ევროპის ლიგის მეორე ეტაპზე "გაგრას" ფამაგუსტას "ანორთოსისი" ჯერ ზესტაფონში უნდა მიეღო და შემდეგ გასვლაზე ლარნაკაში ეთამაშა. თუმცა ერთმანეთთან და უეფასთან შეთანხმებით, მეტოქეებმა ასე გადაწყვიტეს - 14 ივლისის მატჩს კვიპროსი უმასპინძლებს, 21 ივლისისას კი - საქართველო.
ყოველდღიური სპორტული გაზეთი "ლელო"
