ევროტურნირების მსვლელობისას სისტემატურად გაწვდიდით ინფორმაციებს ქართული კლუბების მონაგარის შესახებ და მათ მიერ მოპოვებულ კოეფიციენტებსაც ვაჯამებდით. ალბათ, გახსოვთ, საქართველო ახლოს იყო 2004 წლის შედეგის გაუმჯობესებასთან. მაშინ თბილისის "დინამო" უეფას თასის ჯგუფურ ეტაპზე მოხვდა და დიდწილად სწორედ გია გეგუჩაძის დამსახურება იყო, ქართული კლუბების ჯამურმა მონაგარმა 2,666 ქულა რომ შეადგინა."ზესტაფონის" გუშინწინდელმა ფრემ "ბრიუგესთან" კი ეს მაჩვენებელი გააუმჯობესა - ქართული კლუბების წლევანდელი ჯამური კოეფიციენტი უკვე 2,750-ია! იმედია, არც ამაზე შევჩერდებით და "ზესტაფონი" და "დინამო" წარმატებებს კიდევ მიაღწევენ. ჯგუფში მოხვედრის შემთხვევაში ქულების რაოდენობა მკვეთრად
სარეიტინგო ქულებთან ერთად ჯგუფურ ეტაპზე შეღწევა ფულის შოვნის შესანიშნავი საშუალებაცაა. მხოლოდ ჯგუფში შესვლა კლუბის სალაროს მილიონი ევროთი ავსებს, იქ მატჩის მოგება 140 ათას ევროდ ფასობს, ფრე კი 70 ათასად.
ღმერთმა ქნას, იქამდე ერთმა ქართულმა კლუბმა მაინც მიაღწიოს და ქულებისა და შემოსავლების შესახებ უფრო ვრცლად წერის მიზეზი მოგვეცეს...
ყოველდღიური სპორტული გაზეთი "ლელო"
