საფეხბურთო ინფრასტრუქტურის მდგომარეობა რთულია არა მარტო რეგიონებში, არამედ უფრო მაღალ დონეზეც, პრობლემური ვითარების გამოსწორება მხოლოდ ადგილობრივი ძალებით, სპეციალისტებით, მით უმეტეს, თანამედროვე ტექნიკის უქონლობის პირობებში კი თითქმის შეუძლებელია. მას შემდეგ, რაც ხონის საფეხბურთო კლუბი პირველ ლიგაში გადავიდა, დღის წესრიგში დადგა სტადიონის კეთილმოწყობის საკითხი, რომელიც ეტაპობრივად გადაიჭრა ადგილობრივი ხელისუფლების აქტიური მხარდაჭერით, თუმცა ბოლომდე ვერ მოხერხდა ბუნებრივსაფრიანი მოედნის ხარისხის გაუმჯობესება, რის გამოც "იმერეთს" უარი ეთქვა საქართველოს თასის მიმდინარე გათამაშებაში მონაწილეობაზე.
ამჟამად ეს საკითხიც მოგვარებულია საქმისადმი იმ მიდგომის წყალობით, რომელიც აირჩია საქართველოს ფეხბურთის ფედერაციამ.
ამავდროულად, ხონის საფეხბურთო საზოგადოების სურვილია, ქალაქის ცენტრალურ სტადიონს მიენიჭოს ლეგენდარული ქართველი კომიკოსის, ხონში დაბადებულ-გაზრდილი იპოლიტე ხვიჩიას სახელი, რომელიც საფეხბურთო როლების განუმეორებელი შემსრულებელი გახლდათ. იმედია, შესაბამისი სტრუქტურები ამ თხოვნას დააკმაყოფილებენ.
დემურ ტორაძე
ყოველდღიური სპორტული გაზეთი "ლელო"
იპოლიტე ხვიჩიას ისე ღორები ქე უყვარდა.