უცნაური ამბავია - 29 წლის გაბონელ პოლ კესანის საქართველოში, კერძოდ კი, "ზესტაფონში" დაბრუნება სურს. ეს მოულოდნელი ამბავი კლუბის პრეზიდენტმა ილია კოკაიამ გაგვიმხილა.გაბონის ნაკრების კაპიტანი (35 მატჩი) საქართველოს ჩემპიონის შემადგენლობაში 2007-08 წლების სეზონში გამოდიოდა, 29 მატჩში 3 გოლი გაიტანა და ჩვენებურ ქომაგს თავი კარგი თამაშით დაამახსოვრა.
თუმცა შემდეგ უმადურობითაც გამოირჩა - "ზესტაფონს" ფიფაში რასიზმის ბრალდებით უჩივლა. ფიფამაც მისი მხარე დაიჭირა და არა "ზესტაფონის", რომლის თავკაცსაც დღემდე ვერ გაუგია, თუ გაბონელს წასვლა უნდოდა, რა შუაში იყო რასიზმი?
აფრიკელი ფეხბურთელი ხასიათით შაქ
სხვათა შორის, აფრიკელებმა რასიზმის მოტივით კონტრაქტის გაწყვეტის მოთხოვნა კარგად აპრობირებულ მეთოდად აქციეს და ფიფაშიც მიხვდნენ, რომ ბევრი მათგანი უსაფუძვლო პრეტენზიას აყენებს. თბილისში ყოფნისას ფიფას პრეზიდენტმა ზეპ ბლატერმა კოკაიას პირობა მისცა, რომ ვითარებას გაარკვევდა და იმის გამო, რომ კესანის უცხოეთში წასვლა სურდა, ფიფა კონტრაქტის დარღვევის უფლებას არ მისცემდა.
თუმცა მალევე ფიფას მოთამაშეთა სტატუსისა და ტრანსფერების კომიტეტმა პოლ კესანის ებრაულ "ჰაპოელში" ტრანსფერის ნება დართო, ქართულ კლუბთან ხელშეკრულება კი ბათილად სცნო.
2009 წლიდან კესანი საფრანგეთის რანგით მეორე ლიგის კლუბ "ისტრში" გამოდიოდა, ეტყობა, იქ დამკვიდრება გაუჭირდა და ევროთასებზე გასულ "ზესტაფონში" დაბრუნება ამიტომ მოისურვა. თუმცა "ზესტაფონის" პრეზიდენტი მისი დაბრუნების წინააღმდეგია და არც გაემტყუნება - ასეთ მოთამაშეს ვერ ენდობა.
ყოველდღიური სპორტული გაზეთი "ლელო"
