საქართველოს ჩემპიონატში (უმაღლეს ლიგას ვულისხმობთ) შესვენებაა და გუნდებიც, შეძლებისდაგვარად, საკონტროლო მატჩებს ატარებენ. ერთ-ერთი ასეთი სპარინგ-შეხვედრა გუშინ თბილისში, "ოლიმპიკის" სტადიონზე ჩატარდა: ერთმანეთს ბოლნისის "სიონი" და ცხინვალის "სპარტაკი" დაუპირისპირდნენ. შეგახსენებთ, რომ ორივე გუნდმა სეზონი წარუმატებლად დაიწყო: "სიონიც" და "სპარტაკიც" 2-2 ქულით სატურნირო ცხრილის ფსკერზე იმყოფებიან. რაც შეეხება გუშინდელ საკონტროლო მატჩს, "სპარტაკმა" მეტოქეს 3:1 მოუგო; პირველ ტაიმში ანგარიში თემურ შონიამ გახსნა, მეორე ტაიმში კი "სპარტაკელთა" ახალგაზრდა ფორვარდებმა ზვიად ქანთარიამ და დავით გელაშვილმა კიდევ ორი გოლი გაიტანეს. ერთადერთი, "სიონმა" რაც მოახერხა, პრესტიჟის ბურთი იყო,
"სპარტაკმა" ამ მატჩში ორი შემადგენლობით ითამაშა და გუნდის მთავარმა მწვრთნელმა ბადრი კვარაცხელიამ პირველ ტაიმში მეტ-ნაკლებად ოპტიმალური შემადგენლობა თუ გამოიყვანა, შესვენების შემდეგ დუბლშემადგენლობის რამდენიმე ფეხბურთელსაც მისცა თავის გამოჩენის საშუალება.
სპარტაკი (I ტ.): ძაგანია-ციმაკურიძე, ბოიომო, დ. ლომაია, ხუბუა-თიბილაშვილი, თ. შონია, სამხარაძე-შალამბერიძე, ჯიქია, მეტრეველი
II ტაიმში: დაუშვილი, ბურძენაძე, ტაბატაძე, რუხაძე, სეფიაშვილი, კაკაშვილი, ნარიმანიძე, ნ. მაისურაძე, მაჭუტაძე, ქანთარია, დ. გელაშვილი
I ტაიმში "სპარტაკის" შემადგენლობაში გუნდის ახალწვეულმა, 26 წლის ნახევარმცველმა გიგა თიბილაშვილმა ითამაშა, ბოლო წლები სომხეთის ჩემპიონატში რომ ასპარეზობდა.
რამდენიმე ახალწვეული ჰყავდა ბოლნისის "სიონსაც": გუნდში დაბრუნებულმა მთავარმა მწვრთნელმა ხვიჩა ქასრაშვილმა ამ საკონტროლო მატჩში ზემოთნახსენები გიორგი ჭელიძის გარდა გიორგი ფეიქრიშვილი, ჯაბა უგულავა და გიორგი ხატიაშვილი ათამაშა.
"სიონის" შემადგენლობა ასეთი იყო: ზუხბაია-კობაური, ხატიაშვილი, თარგამაძე, ლ. ჩხეტიანი-უგრეხელიძე, გ. ოქროპირიძე, ვ. ბოლქვაძე, გ. ჭელიძე, ფეიქრიშვილი-უგულავა. შეცვლაზე შემოვიდნენ: ვ. ლობჟანიძე, მ. ოქროპირიძე, ადამაშვილი.
ყოველდღიური სპორტული გაზეთი "ლელო"
