თბილისის სახელმწიფო სამედიცინო უნივერსიტეტი სტუდენტთა შორის ცხოვრების ჯანსაღი წესის დამკვიდრების პროგრამით ხშირად ატარებს სხვადასხვა სპორტულ ღონისძიებას. ახლახან სტუდენტთა 20 გუნდი მონაწილეობდა მინიფეხბურთში სასწავლებლის ჩემპიონატში. ფინალში ფიზიკური მედიცინისა და რეაბილიტაციის ფაკულტეტის გუნდი "რეაბილიტაცია" და მედიცინის ფაკულტეტის "რეალ-მადრიდი" დაუპირისპირდნენ ერთმანეთს. გაიმარჯვა "რეაბილიტაციამ" - 3:1, მესამე ადგილზე გავიდა "ზევსი".
სპეციალური პრიზები დაიმსახურეს: საუკეთესო მოთამაშის - გიორგი გოგიძემ (მედიცინის ფაკულტეტი, II კ), მეკარის - რევაზ მანჯგალაძემ (იგივე ფაკულტეტი, I კ), ბომბარდირის - გიორგი პაიჭაძემ (სტომატოლოგიური, I კ), მცველის - დავით შამათავამ ("რეაბილიტაცია", I კ),
დაკომპლექტდა ნაკრები, რომელიც ფუტსალში საუნივერსიტეტო სპორტის ფედერაციის პირველობაზე იასპარეზებს.
თორნიკე გოგიჩაიშვილი
ყოველდღიური სპორტული გაზეთი "ლელო"
