გოგიტა გოგუასა და თბილისის "დინამოს" ხელმძღვანელობას შორის მოლაპარაკება ზაფხულში დაიწყო. მაშინ 27 წლის ნახევარმცველმა ნიჟნი ნოვგოროდის "ვოლგას" ავსტრიული შეკრება დატოვა, კონტრაქტის გაწყვეტასა და თბილისის "დინამოში" თამაშზე თანხმობა განაცხადა.სამწუხაროდ, რუსებმა გოგუა საქართველოში არ გამოუშვეს, მაგრამ მოლაპარაკებები არ შეწყვეტილა, ინტერესი შენარჩუნდა, გუშინ კი შევიტყვეთ, რომ გოგიტა კლუბს სამწლიან კონტრაქტზე შეუთანხმდა.
ხელშეკრულება ჯერ არ გაფორმებულა და ეს, სავარაუდოდ, უახლოეს დღეებში მოხდება.
ყოველდღიური სპორტული გაზეთი "ლელო"
