საქართველოს ფეხბურთის ფედერაციამ 2011 წლის მუშაობა შეაჯამა. წლის შემაჯამებელი ღონისძიება მიხეილ მესხის სახელობის სტადიონზე გაიმართა. შეხვედრაზე ფედერაციის ხელმძღვანელებმა ჟურნალისტებს სხვადასხვა ინფრასტრუქტურული პროექტების შესახებ ანგარიში წარუდგინეს, მათ შორის - მიხეილ მესხის სახელობის სტადიონის რეკონსტრუქციის მიმდინარეობის, სანაკრებო საწვრთნელი ბაზის, "ბასა"-ს და ლაგოდეხის საწვრთნელი ბაზის რეკონსტრუქციის ანგარიშები.
ფედერაციის პრეზიდენტის, ზვიად სიჭინავას განცხადებით, მომავალი წლისთვისაც ერთ-ერთი მთავარი მიზანი ინფრასტრუქტურის განვითარება იქნება. ამასთან, სიჭინავა 2012 წლის მთავარ პრიორიტეტად ეროვნული ნაკრებისა და შიდა ჩემპიონატების გაძლიერებას ასახელებს.
რაც შეეხება 2011 წელს, მიმდინარე წლის მთავარ წარმატებად სიჭინავა 17
ფეხბურთის ფედერაციამ დღეს მედიის წარმომადგენლებიც დააჯილდოვა. 4 სპორტულ ჟურნალისტს, მათ შორის გაზეთ "ლელოს" წარმომადგენელ მერაბ მამულაშვილს, სამახსოვრო პრიზები აქტიური და ობიექტური გაშუქებისთვის გადაეცა.
"ინტერპრესნიუსი"
