გარდაიცვალა ფეხბურთის საერთაშორისო ასოციაციის (ფიფა) არბიტრი, საქართველოს მე-20 საუკუნის საუკეთესო არბიტრი ანატოლი მილჩენკო.ანატოლი მილჩენკო დღეს საკუთარ სახლში, ინფარქტის შედეგად გარდაიცვალა.
ანატოლი მილჩენკო ქალაქ ბორჯომში 1938 წლის 26 მარტს დაიბადა. თამაშობდა ბორჯომის, თბილისისა და სოხუმის საფეხბურთო კლუბებში, 60-იანი წლებიდან კი - არბიტრად. 70-80-იან წლებში 14-ჯერ შედიოდა საბჭოთა კავშირის 10 საუკეთესო არბიტრთა შორის. 1976 წლიდან ფეხბურთის საერთაშორისო ასოციაციის ფიფა არბირტრი იყო; არა ერთი მატჩი იმსაჯა მსოფლიოსა და და ევროპის ჩემპიონთა შესარჩევ ტურნირებში.
ნამსაჯი აქვს მატჩები ბეკენბაუერის, კრუიფის, მარადონას, ლინეკერისა და მსოფლიოს
1994-1998 წლებში ანატოლი მილჩენკო უკრაინაში საქართველოს საელჩოში მუშაობდა. 1998-2005 წლებში საქართველოს ფეხბურთის ფედერაციის მსაჯთა კოლეგიას ხელმძღვანელობდა.
2000 წელს იგი მე-20 საუკუნის საუკეთესო არბიტრად აღიარეს. 2005-2010 წლებში საქართველოს ორგზის ჩემპიონის, თბილისის "ვიტ-ჯორჯიას" სპორტულ დირექტორად მუშაობდა. 2010 წლიდან გარდაცვალებამდე საქართველოს ფედერაციაში ახალგაზრდა არბიტრთა მომზადების მენეჯერად მუშაობდა.
interpressnews.ge
