გორის "დილაში" ნამდვილი საკადრო რევოლუცია დაიწყო. ჯერ იმას ვიტყვით, რომ შინაგან საქმეთა სამინისტროს პატრონაჟის ქვეშ მყოფი კლუბის თავკაცებმა კონკურსი გამოაცხადეს და ფულადი პრიზები დააწესეს "დილას" ახალი ლოგოს, დროშის, გულშემატკივართა სლოგანის, კლუბის ჰიმნისა და ვებგვერდის შექმნისთვის. ახლა კი წმინდა საფეხბურთო ამბებზე: გორელთა დირექტორმა ზურაბ დალაქიშვილმა გვითხრა, რომ დეკემბერში გუნდის გაძლიერება გადაწყდა:
"ახლა "დილას" სერიოზული პატრონი ჰყავს, რაც გაზრდილ ამბიციასაც გულისხმობს. ახალი გუნდის ჩამოყალიბების მიზნით კი იანვრიდან ყველა ფეხბურთელი გათავისუფლდა - ვის დავტოვებთ და ვის ავიყვანთ, ჯერ არ ვიცით".
"დილას" მთავარი მწვრთნელი
"ფაქტია, რომ გუნდს სერიოზული ხალხი პატრონობს და იმედია, ძლიერი შემადგენლობის შეკრებას მოვახერხებთ, თუმცა სელექციაზე ჯერ ვერ ვილაპარაკებ. ამ საკითხზე ახლა ვმუშაობთ და სერიოზული დაფიქრება გვჭირდება, რადგან გუნდის შექმნისას მოთამაშეთა სწორ შერჩევას დიდი მნიშვნელობა აქვს".
გორელები სამზადისს თბილისში 9 იანვარს დაიწყებენ და "ამერსა" და "შატილზე" ივარჯიშებენ, 25 იავრიდან კი ანთალიაში გაემგზავრებიან და იქ 2 კვირა დაჰყოფენ.
ყოველდღიური სპორტული გაზეთი "ლელო"
