ესპანურ შეკრებაზე თბილისის "დინამომ" მეორე შეხვედრა "ესპანიოლის" დუბლიორებითა და 19-წლამდელებით დაკომპლექტებულ გუნდთან გამართა, ბარსელონელთა ძირითადი გუნდი კი გუშინვე ესპანეთის თასის პირველ მეოთხედფინალურ შეხვედრაში "მირანდესს" ხვდებოდა. მატჩი, რომელიც "ესპანიოლის" ბაზაზე გაიმართა, თავიდან თანაბარ ბრძოლაში წარიმართა. "დინამოს" ვებგვერდის ცნობით, მე-10 წუთზე ირაკლი ძარიამ სცადა მეტოქის კარის აღება, მე-13 და 25-ე წუთებზე - რობერტინიომ, მაგრამ სამივე მცდელობა უშედეგოდ დასრულდა.
"დინამომ" ანგარიში 29-ე წუთზე გახსნა: იაგუეს პასის შემდეგ რობერტინიომ მეკარეს შორეულ კუთხეში დაურტყა, ბურთი ჯერ ძელს მოხვდა, შემდეგ კი ბადეში აღმოჩნდა.
პირველი ნახევრის ბოლო
"დინამომ" ანგარიში 62-ე წუთზე გაზარდა: საჯარიმოში ჩისკომ მახვილი კუთხიდან ზუსტად დაარტყა.
ბოლო წუთებზე "დინამომ" კონტრშეტევებზე ითამაშა - ტერიტორიული უპირატესობა ესპანელებისა კი იყო, მაგრამ მათ სახიფათო მომენტები ვერ შემქნეს და საბოლოოდ "დინამომ" 2:0 გაიმარჯვა.
დინამო-ესპანიოლი B 2:0
1:0 რობერტინიო (29), 2:0 ჩისკო (62).
"დინამო": ლორია - ოდიკაძე, ჰომოლა, კვეკვესკირი, ხმალაძე - ალვარო, გერაუ, ძარია - რობერტინიო, იაგუე, კოშკაძე
მეორე ტაიმში: ზარქუა - თომაშვილი, ჰომოლა (80. ჩივაძე), კვეკვესკირი (85. ჯიღაური), ლომიძე - ჩისკო, გერაუ (75. პაპავა), კოშკაძე (85. კახელიშვილი) - კოტო, მერებაშვილი, გურული
"ესპანიოლი": დინუ, აროიო, ექტორი, ზოუ, გაბი, კ. გომესი, ალფონსო, მირავენტი, ფორტეტი, ისმაელ ტრაორე, ლუკასი
ყოველდღიური სპორტული გაზეთი "ლელო"
