ბარსელონაში ჩატარებული ბოლო, მესამე შეხვედრის "ტერასასთან" დებიუტში "დინამოს" სტაჟიან წევრსა და ერთ-ერთ ლიდერს გულვერდ თომაშვილს კუნთთან დაკავშირებული პრობლემების გამო მოედნის დატოვება მოუწია. გულვერდი ჯერ-ჯერობით ვერც გუნდთან ერთად ვარჯიშობს და ვერც კრაკოვიასთან მატჩში მიიღო მონაწილეობა.გულვერდ თომაშვილი: "ძველმა ტრავმამ იჩინა თავი. ახლა ინდივიდუალურად ვემზადები და სპეციალურ ვარჯიშებს ვატარებ. ვიმედოვნებ, რომ 2-3 დღეში გუნდთან ერთად შევძლებ ვარჯიშს. ჩემპიონატის დასაწყისს სრულფასოვან მზადყოფნაში შევხვდები.
გუშინდელ თამაშს რაც შეეხება, პირველი ტაიმი არ ვარგოდა. მეორე ნახევარი ბევრად უკეთესი იყო, შედარებაც არ შეიძლება. მიუხედავად იმისა, რომ მოსამაზადებელ
ჩემი აზრით ხვალინდელი თამაში უკეთესი იქნება. მატჩიდან, მატჩამდე უნდა მოვუმატოთ და ჩემპიონატის განახლებას ოპტიმალურ ფორმაში შევხვდეთ. სერიოზულად გავძლიერდით. ეს მატება ძალიან დიდი ძალაა. ყველანი მაღალი კლასის ფეხბურთელები არიან. მერებაშვილიც დაგვიბრუნდა. მასთან ერთად გავიარეთ დინამოს აკადემია, დუბლები და რამდენიმე წარმატებული სეზონი ჰქონდა საქართველოს ჩემპიონატში.
დინამო გაცილებით უკეთესი გუნდი იქნება. მთავარია მინიმალური შეცდომები დავუშვათ დარჩენილ თამაშებში. ლიდერთან სხვაობა დიდია, ჩემპიონობა ძნელი იქნება, მაგრამ რა თქმა უნდა შანსი არის. სწორედ ამიტომ დავიმატეთ ახალი ფეხბურთელები და სერიოზულად ვემზადებით, რომ ჩვენი თავის იმედი გვაქვს".
fcdinamo.ge
