"ლელოს" 30 აპრილის ნომერში თბილისის "დინამოს" მეპატრონესთან, რომან ფიფიასთან გამოქვეყნებულ ინტერვიუს (იხილეთ ვრცლად), როგორც მოსალოდნელი იყო, შესაბამისი აჟიოტაჟი მოჰყვა. უფრო ზუსტად, იმ საკითხს, "დინამოს" მომავალ მთავარ მწვრთნელს რომ ეხებოდა. კლუბის მეპატრონის სიტყვებით, მომავალი სეზონიდან "დინამოს" მთავარი მწვრთნელის პოსტზე, სავარაუდოდ, ქართველი სპეციალისტი იმუშავებს და კონკრეტული გვარიც დასახელდა - კახა ცხადაძე.
ამ უკანასკნელს 30 აპრილს, გვიან ღამით, ბაქოში შევეხმიანეთ და "დინამოსთან" დაკავშირებით კომენტარი ვთხოვეთ.
ბაქოს "ინტერის" მთავარმა მწვრთნელმა მოკლე კომენტარი გააკეთა:
"დინამოსთან" მოლაპარაკებას რომ ვაწარმოებ, ეს იმას არ ნიშნავს, რომ ყველაფერი გადაწყვეტილია".
ასე რომ, მოვლენებს ნუ გავუსწრებთ...
ყოველდღიური სპორტული გაზეთი "ლელო"
