ფოთის "კოლხეთი" მიმდინარე ეროვნულ ჩემპიონატში ბოლო ადგილზეა, ფინანსური პრობლემებიც მიეძალა, რასაც ასეთი გაგრძელება მოჰყვა - გუნდის დატოვება მოუწია თერთმეტ ფეხბურთელს."კოლხეთის" ფეხბურთელები აღარ არიან: არდალიონ მიქაბერიძე, პაატა დათუნაიშვილი, ზვიად ჩხეტიანი, ლაშა ქებაძე, ჯემალ გაბუნია, გიორგი ცხადაია, მიხეილ კობერიძე, ლევან რთველიაშვილი, ავთო ბაგაშვილი, ლუკა ხომასურიძე და ვასილ ღუჭაშვილი.
"კოლხეთში" გვითხრეს, რომ ამიერიდან აქცენტი ახალგაზრდა ადგილობრივ ფეხბურთელებზე გაკეთდება. ამ ეტაპზე გუნდი შევსებას დუბლშემადგენლობიდან მიიღებს.
ამ ეროვნულ ჩემპიონატში "კოლხეთმა" ჯერ ერთი თამაშიც კი ვერ მოიგო და ალბათ, ამიტომაც მიმართა ასეთ რადიკალურ ზომას.
ყოველდღიური
